الحصول على خصم 100 جنيه وتقسيط بدون فوايد Tabby | Noon

وبعد ماتسجل من اللينك الي فوق بتدخل على تطبيق نون من الموبايل عادى وتختار المنتج اللى هتشتريه وانت بتختار وسيله الدفع بتختار tabby 

- وبعد كدا بتدوس اتمام الشراء .. 

وبعدها نون بيفتحلك صفحه جديده 

- الصفحه دى بيطب فيها رقم التليفون اللى مسجل بيه على tabby هتكتب رقم التليفون وهتدوس اوك وهيبعتلك كود تأكيد .. هتكتبه فى الخانه اللى تحتها وتدوس اوك  

- بعد كدا هيدخلك على صفحه بيطلب فيها صوره البطاقه وش وظهر فى صور منفصله .. هتجيب بطاقتك وتصورها صوره واضحه وش وظهر وتدوس اوك 

- هيدخلك على صفحه تانى بيأكد فيها الرقم القومى بتاعك و تاريخ الميلاد اللى على البطاقه .. اتأكد منهم ولو تمام دوس اوك.. 

- بيدخلك على الخطوه الاخيره اللى بتضيف فيها كارت الفيزا اللى هتدفع من عليه اول قسط .. دخل بيانات الكارت و دوس اوك 

- وبس خلاص كدا .. هتلاقى نون اظهرلك التفاصيل الاقساط الاربعه و انك سددت اول قسط فيهم من الفيزا ..  وبيظهرلك مواعيد الاقساط القادمه  

ممكن بعد كدا تنزل تطبيق tabby على الموبايل او تخش من الموقع عادى على الكمبيوتر وتعمل تسجيل دخول .. وهتلاقى تفاصيل الاوردر بتاعك على نون .. والاقساط ومواعيدها وكل البيانات اللى محتاجها 

عارف فيه كام سؤال على بال الناس بخصوص الموضوع : 

١- وهما هيستفادوا ايه؟؟!.. الخدمه دى بتكسب منين يعنى لو شغالين بدون مصاريف وفايده .. ببساطه اعتقد انهم بيكسبوا من غرامات التأخير للناس اللى مدفعتش فى المواعيد .. ف انت ادفع فى مواعيدك وتجنب اي غرامه .. مع ان الشركه بتقول ان غرامات التأخير دى بيتم صرفها بالكامل فى اوجه الخير 

٢- طيب افرض الناس اشترت حاجات ودفعت اول قسط ومدفعتش تانى .. وقتها هقولك ان صورة بطاقتك معاهم .. وهيعرفوا يتخذوا ضدك اجراء قانونى ..

٣- طيب مش موضوع غرامات التأخير دا فيه حراميه وشبه ربا ؟؟ 

سؤال حلو .. 

ببساطه الموضوع هيتعتمد على نيتك فى استخدام الخدمه  .. لو سددت الاقساط فى مواعيدها ف انت بعيد عن الشبهه دى .. وفعليا انت مدفعتش غير تمن الحاجه اللى قسطتها بدون اى جنيه زياده .. ف كدا المفروض دى متكونش ربا .. ولكن لو انت مازلت متشكك فى الموضوع ف بلاش تشترك ..

 انا وضحتلك كدا كل حاجه ودا ابراء ذمة.... انا رشحت الخدمه بنية تقسيم المبلغ لأقساطه متساويه بدون قرش زياده .. ف القرار على مسؤوليتك  

----

معلومه مهمه .. بما ان الخدمه tabby مش معاهم تفاصيل منك غير رقم التليفون وصورة البطاقه .. ف مينفعش تقسط حاجات غاليه من اول مره .. الموضوع دا بيعتمد على حاجه اسمها credit score بتبنيها معاهم من خلال انك تعمل عمليات تقسيط اكتر من مره بمبالغ متصاعده وبتسدد الاقساط بتاعتك فى مواعيدها .. ومع الوقت بتقدر تقسط حاجات بمبالغ اكبر ..